Պետպատվերի շրջանակում չարորակ հիվանդությունների վիրահատական բուժումը վերաբերում է ամբողջ բնակչությանը. Ավինյան

Մեկնարկել է Հայաստանի Հանրապետության գործադիր իշխանության հերթական նիստը, այն վարում է ՀՀ փոխվարչապետ Տիգրան Ավինյանը: Նիստի օրակարգում ընդգրկված է 21 հարց, որոնցից զեկուցվող է 7-ը:

Տիգրան Ավինյանը շնորհավորեց վերանշանակված և նորանշանակ նախարարներին՝ մաղթելով նրանց բեղուն աշխատանք` ի շահ Հայաստանի Հանրապետության և ՀՀ ժողովրդի: Նախքան բուն նիստին անցնելը` փոխվարչապետը հարկ համարեց խոսել երկու նախաձեռնության մասին: Առաջինը վերաբերում է ՊԵԿ-ի կողմից առաջարկվող նոր դրոշմակնիքներին, որոնք շուտով կշրջանառվեն, երկրորդը` չարորակ հիվանդությունների վիրահատական բուժմանը, որն այսուհետ իրականացվելու է պետպատվերի շրջանակում ամբողջ բնակչության համար:

Առողջապահության նախարար Արսեն Թորոսյանը տեղեկացրեց, որ վիրահատությունները կատարվելու են միայն այն հաստատություններում, որոնք բավարարելու են որոշակի պահանջներ՝ ունենալու են ուռուցքաբանության լիցենզիա և ուռուցքաբանական խորհուրդներ ունենալու պահանջն են բավարարելու, որ մոտեցումը լինի համալիր:

«Մյուս տարիներին այս ձևով շարունակելու ենք՝ մտածելով արդեն քիմիաթերապիայի և ճառագայթաթերապիայի վրայից հանել համավճարը»,-նշեց նախարարը: