Փոխարժեքներ 28 10 2024
USD	⚊	$ 387.25
EUR	⚊	€ 419.2
RUB	⚊	₽ 4.01
GBP	⚊	£ 502.92
GEL	⚊	₾ 141.79

կարևոր

ԵԿՄ-ի գոյության 2 տարբերակ կա․ կամ Սասուն Միքայելյանի պաշտոնազրկում, կամ ինքնալուծարում․ Հոխիկյան
21 րոպե առաջ Քաղաքական
ՈՒՂԻՂ․ Սիրանուշ Սահակյանը և Րաֆֆի-Ֆիլիպ Քալֆայանը՝ Արցախցիների վերադարձի իրավունքի մասին
24 րոպե առաջ Հասարակություն
«Բախտի տերը». միստիկ կինոկատակերգության պրեմիերան Երևանում
38 րոպե առաջ Հասարակություն
Ագրարայինի երկրորդ մասնաշենքի հանձնման գործընթացը սկսված է
52 րոպե առաջ Հասարակություն
Ի՞նչ ուղերձ է հղում սահմանին կանգնած զինծառայողին Սասունը. Տիգրան Աբրահամյան
2 ժամ առաջ Քաղաքական
«Երիտասարդ Հայուհի 2025»
2 ժամ առաջ Հասարակություն
Հայաստանը չի կողմնորոշվել «չոր նավահանգստի» ժամկետների հարցում. ում հետ է բանակցում Երևանը
2 ժամ առաջ Հասարակություն
«TOON EXPO 2024»-ը՝ բացառիկ և շահավետ առաջարկներով, բաց մի թողեք հնարավորությունը՝ հոկտեմբերի 25-ին, 26-ին, 27-ին
2 օր առաջ Հասարակություն
«Բոլորին հո չեն սպանի...». Արեւմուտքը պատրաստվում է Վրաստանում հերթական Մայդանին
2 օր առաջ Տարածաշրջան
ԲՐԻՔՍ-ի գագաթնաժողովը Վլ. Պուտինի վերջին 10֊ամյակի հիմնական հաջողություններից մեկն է
2 օր առաջ Քաղաքական

0 դիտում,

5 տարի առաջ - 2019-01-10 17:23

Հասարակություն

Կաթողիկոսը շնորհավորել է Մայր Աթոռի պաշտոնեությանը

Հունվարի 10-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Ս. Էջմիածնի «Վաչե և Թամար Մանուկյան» Մատենադարանում Ամանորի և Սուրբ Ծննդյան տոների առիթով հանդիպեց Մայր Աթոռի տարբեր կառույցներում պաշտոնավարող աշխարհական աշխատակիցների հետ:

Միասնական աղոթքից հետո Մայր Աթոռի Վարչատնտեսական բաժնի տնօրեն Գերաշնորհ Տ. Մուշեղ եպիսկոպոս Բաբայանը ներկաների անունից շնորհավորեց Նորին Սրբությանը բերկրաշատ տոների առիթով` վստահեցնելով, որ Մայր Աթոռի պաշտոնեությունը՝ իբրև մեկ ընտանիք, համախբված Ամենայն Հայոց Հայրապետի շուրջ, նոր տարում շարունակելու է իր գործուն նպաստն ու ներդրումը բերել Ս. Էջմիածնի առաքելության իրականացման սրբազան գործում:

Պաշտոնեության անունից Վեհափառ Հայրապետին շնորհավորական խոսք ուղղեց նաև Մայր Աթոռի երիցագույն աշխատակիցներից տիար Նորայր Խաչատրյանը: Վերջինս ընդգծեց, որ Վեհափառ Հայրապետի 20-ամյա գահակալության տարիներին հետևողական կերպով իրագործվել են բազմաթիվ ծրագրեր քարոզչական, կրթական, սոցիալական և եկեղեցաշինության ոլորտներում: Պրն. Խաչատրյանը Նորին Սրբությանը բարեմաղթեց ուժ, եռանդ և հաստատակամություն ազգի և Եկեղեցու առջև ծառացած մարտահրավերների հաղթահարման համար:

Այնուհետև Ամանորի և Ս. Ծննդյան տոների առիթով ներկաներին շնորհավորեց և իր հայրապետական օրհնությունն ու բարեմաղթանքները փոխանցեց Գարեգին Երկրորդ Ամենայն Հայոց Կաթողիկոսը:

Նորին Սրբությունը, իր ուրախությունը հայտնելով ավանդական դարձած հանդիպման կապակցությամբ, իր շնորհակալությունն ու գնահատանքը հայտնեց Մայր Աթոռի աշխատակազմին նվիրյալ ծառայության համար, որի շնորհիվ արդյունավորվում է Ս. Էջմիածնի առաքելությունը, պայծառանում Հայ Եկեղեցու հոգևոր կենտրոնը:

Վեհափառ Հայրապետն անդրադարձ կատարեց տարվա ընթացքում նախանշվող կարևոր ծրագրերին: Մասնավորապես, 2019 թվականը Ընտանիքի տարի հռչակելու առիթով Մայր Աթոռի կողմից կանցկացվեն հասարակության մեջ ընտանիքի արժևորման, ընտանեկան արժեքների և ամրության բարձրացմանն ուղղված միջոցառումներ: Նորին Սրբությունը տեղեկացրեց ընթացիկ տարում Ազգային-եկեղեցական ժողովի գումարման, Մայր Տաճարի ու Վեհարանի հիմնանորոգության աշխատանքների և եկեղեցական նոր ծրագրերի մասին:

Վերջում Ամենայն Հայոց Կաթողիկոսը Մայր Աթոռի աշխատակիցներին մաղթեց քաջառողջություն, երջանկություն ու հաջողություններ իրենց կյանքում: