ԱՄՆ-ը ծրագրել էր Ղրիմում Լուգարի լաբորատորիայի նմանակը ստեղծել. «Ռոսպոտրեբնադզոր»-ի ղեկավար

ԱՄՆ-ը ծրագրել էր Սիմֆերոպոլում Վրաստանում գործող Լուգարի լաբորատորիայի նման կենտրոն ստեղծել, Ղրիմի` ՌԴ-ին միանալուց հետո այնտեղ կենսաբանական նյութեր են հայտնաբերվել: Այդ մասին հայտնել է «Ռոսպոտրեբնադզոր»-ի ղեկավար Աննա Պոպովան. հայտնում է РИА Новости-ն:

Նրա խոսքով` այդ ծրագրերին խանգարել է միայն Ղրիմի միացումը ՌԴ-ին:

Հիշեցնենք, որ ավելի վաղ Վրաստանի պետական անվտանգության նախկին նախարար Իգոր Գիորգաձեն Մոսկվայում մամուլի ասուլիսի ժամանակ հայտարարել էր, որ դիմել է ԱՄՆ նախագահին` խնդրելով հետաքննել Ռիչարդ Լուգարդի անվան լաբորատորիայի գործունեությունը Վրաստանում, որը, ինչպես նա պնդում է, կարող է մահաբեր հետևանքով փորձարկումներ իրականացնել մարդկանց վրա: Նա տվյալներ էր ներկայացրել 2015-ին գրանցված 30 մահվան մասին. մարդիկ լաբորատորիայում բուժում էին ստանում հեպատիտ C-ի դեմ: