Ստոկհոլմյան բանակցությունները միջեմենական բնույթի են. Իրանի ԱԳՆ խոսնակ

Եմենի ճգնաժամի վերաբերյալ Շվեդիայի մայրաքաղաք Ստոկհոլմում ընթացող քաղաքական խորհրդակցությունները միջեմենական բնույթ են կրում.  լրագրողների հետ հանդիպման ժամանակ հայտարարել է Իրանի ԱԳՆ պաշտոնական ներկայացուցիչ Բահրամ Ղասեմին:

Ըստ Alikonline-ի` անդրադառնալով արտասահմանյան որոշ ԶԼՄ-ների այն պնդումներին, թե իբր Իրանը ցանկություն է հայտնել մասնակցել ստոկհոլմյան քաղաքական խորհրդակցություններին, ԱԳՆ մամուլի խոսնակն ասել է. «Ստոկհոլմյան խորհրդակցությունները միջեմենական բնույթ են կրում: Եմենի ճգնաժամի մեկնարկից ի վեր Իրանի Իսլամական Հանրապետությունը մշտապես կարեւորել է արտաքին ուժերի միջամտությունից զերծ, միջեմենական բանակցությունների կազմակերպումը»: