ԵՄ-ն պետք է զգուշանա Իրանի հետ իր հարաբերությունները վնասել ցանկացողներից. Իրանի ԱԳՆ խոսնակ

Եվրոպական Միությունը պետք է զգուշանա Իրանի հետ իր հարաբերությունները վնասել ցանկացողներից: Այդ մասին ԻՌՆԱ-ի հետ զրույցում հայտարարել է Իրանի ԱԳՆ պաշտոնական ներկայացուցիչ Բահրամ Ղասեմին:

«Եվրոպական կառավարությունները չպետք է թույլ տան, որպեսզի երրորդ կողմը, որը դեմ է Իրանի և ԵՄ-ի միջև ընդլայնվող հարաբերություններին, կարողանա իրագործել իր խափանարար, սադրիչ սցենարները»,- ասել է նա:

Անդրադառնալով իրանական հետախուզության կողմից դանիական տարածքում Իրանի հակառակորդներից մեկի նկատմամբ մահափորձ կազմակերպելու կապակցությամբ դանիական իշխանությունների կողմից Իրանին հասցեագրված մեղադրանքներին` Բահրամ Ղասեմին նշել է, որ Իրանի Իսլամական Հանրապետությունը դեմ է ցանկացած տիպի բռնի եւ ահաբեկչական գործողության և դատապարտում է նման արարքները: