Վտանգը նրանց տեղ տվող, ոգևորող և առաջ մղողներն են. Դավիթ Իշխանյանը` Սասուն Միքայելյանի մասին

Արցախի Հանրապետության Ազգային ժողովի «Դաշնակցություն» խմբակցության պատգամավոր Դավիթ Իշխանյանը ֆեյսբուքյան իր էջում անդրադարձել է  «Իմ քայլը» դաշինքի պատգամավորության թեկնածու Սասուն Միքայելյանի հայտարարությանը, թե հեղափոխության հաղթանակն ավելի կարևոր էր, քան Արցախյան ազատամարտը։

«Ես երբեք չեմ զարմացել Սասուն Միքայելյան տեսակի անձերի տեսակետներից թե՛ 90-ականներին և թե՛ նաև այսօր: Այդ երևույթները 30 տարի է` մեզ ուղեկից են: Դա այդ տեսակի ու մակարդակի մարդկանց ընկալումների իրական արտացոլանքն է իրենց արտահայտություններում: 

Այստեղ կա երկու հանգամանք՝

Նախ նրանց «տեսակետներ»-ը ձևավորվում են որոշակի շրջանակների ազդեցության ներքո, և երկրորդ` այդ շրջանակները նաև մղում են մեր «հերոսներ»-ին` հպարտությամբ և համոզվածությամբ բարձրաձայնել ինչ-որ բաների մասին, որոնց խորքը իրենց իսկ գիտակցության համար հասու չէ:

Վտանգը ոչ թե տեսակետ արտահայտողներն են, այլ նրանց տեղ տվող, ոգևորող և առաջ մղողները:

Հավելյալ բացատրություններն ու մեկնաբանությունները առ ոչինչ են:

Հ.Գ. – Մեր ազգային ազատագրական պայքարը ստվերի տակ դնելու շահագրգիռ կողմերը շատ են: Միշտ պետք է զգոն լինել»,- գրել է դաշնակցական պատգամավորը: