ԱՄՆ-ի ընտրություններից հետո Պետդումայում մտավախություն ունեն

Դեմոկրատների հնարավոր հաղթանակը ԱՄՆ-ում կվատթարացնի ռուս-ամերիկյան` առանց այդ էլ բարդ հարաբերությունները: Նման կարծիք է հայտնել ՌԴ Պետդումայի միջազգային հարցերով կոմիտեի ղեկավարի տեղակալ Ալեքսեյ Չեպան. հայտնում է РИА Новости-ն:

«Ակնհայտ է, որ դեմոկրատները կփորձեն մեղադրել Թրամփին ՌԴ-ի և նախագահ Պուտինի  հանդեպ լոյալ լինելու մեջ: Կարծում եմ, որ դա կստիպի Թրամփին` որևէ կերպ պաշտպանվել և ավելի կոշտ որոշումներ կայացնել»,-նշել է նա:

Ամերիկյան ԶԼՄ-ները կանխատեսում են, որ Հանրապետական կուսակցությունը հաղթանակ կտանի Սենատում` ստանալով 52  տեղ: Նման տվյալներ են ներկայացնում NBC-ին և ABC-ին: Իսկ դեմոկրատները հաղթանակ կտանեն Ներկայացուցիչների պալատում` ստանալով 238 տեղ, մինչդեռ հանրապետականները կստանան 197 տեղ: Ներկայացուցիչները պալատը վերահսկելու համար անհրաժեշտ է հավաքել 218 ձայն:

Կանխատեսումները հիմնված են քվեարկության նախնական արդյունքների վրա, պաշտոնական տվյալներ դեռ չկան: