Լավրովը չգիտի` արդյո՞ք Թրամփը Պուտինի հետ հանդիպումից հետո կփոխի պայմանագրից դուրս գալու վերաբերյալ իր որոշումը

ՌԴ ԱԳՆ ղեկավար Սերգեյ Լավրովը հայտարարել է, որ չգիտի` կմտափոխվի՞  ԱՄՆ նախագահը Միջին և փոքր հեռահարության հրթիռների ոչնչացման մասին պայմանագրից դուրս գալու հարցում. հայտնում է РИА Новости-ն:

«Ես չգիտեմ»,- ասել է նա` նշելով, որ համարձակություն չի վերցնի իր վրա և չի խոսի նախագահի անունից: «Յուրաքանչյուրը իրավունք ունի ինքնուրույն որոշում ընդունելու»,- հավելել է Լավրովը գործակալության հետ զրույցում:

Ավելի վաղ ԱՄՆ նախագահը հայտնել էր վերոհիշյալ պայմանագրից դուրս գալու մտադրության մասին` նշելով, որ ռուսական կողմը չի կատարում այն:

Նշենք, որ Պուտին-Թրամփ հանդիպումը պետք է կայանա Փարիզում նոյեմբերի 11-ին: Նախագահները Ֆրանսիա են մեկնելու` Առաջին համաշխարհային պատերազմի ավարտի 100-ամյակին նվիրված միջոցառումներին մասնակցելու: