Պուտինը ԱՄՆ-ի հետ միջուկային պայմանագրից դուրս գալու նախագիծը Պետդումա է ներկայացրել

ՌԴ նախագահ Վլադիմիր Պուտինը ՌԴ Պետդումա է ներկայացրել Միջին և փոքր հեռահարության հրթիռների ոչնչացման մասին ռուս-ամերիկյան համաձայնագրի գործունեությունը ՌԴ-ի կողմից դադարեցնելու մասին նախագիծը: Այդ մասին լրագրողներին հայտնել է Պետդումայի նախագահ Վյաչեսլավ Վոլոդինը. հայտնում է РИА Новости-ն:

Մեկ ժամվա ընթացքում կորոշվեն այն դիտարկելու ժամկետները:

Հիշեցնենք, որ առաջինը պայմանագրի գործունեության դադարեցման մասին հայտարարեց ԱՄՆ-ը, ինչից հետո ՌԴ նախագահ Վլադիմիր Պուտին հայտարարեց, որ ՌԴ-ի պատասխանը հայելային է լինելու, և նույնանման որոշում կայացրեց:

Ըստ ԱՄՆ-ի` Ռուսաստանը չի կատարել համաձայնագիրը: Մոսկվան մեղադրանքները հերքում է: