Ինչո՞ւ պետք է պաշտոնը վերաստանձնի Լիբանանում զբոսաշրջության դաշնակցական ՀՅԴ-ական նախարարը

Աղբյուրը` Aztagdaily

«Սիտըրզ Ռիփորթ» կայքը անդրադարձած է այն տուեալներուն, որոնց շնորհիւ լիբանանեան քաղաքական կողմերը, որոնց կարգին Հայ յեղափոխական դաշնակցութիւնը, կը կառչին զբօսաշրջութեան նախարար Աւետիս Կիտանեանին, որպէսզի ան շարունակէ վարել այս նախարարութիւնը: Ըստ կայքին, այս իրողութեան պատճառը հետեւեալ բնագաւառներուն մէջ անոր արձանագրած յաջողութիւններն են.

1.- Լիբանանեան քաղաքական ոչ մէկ բաղադրիչ մերժեց այս նախարարութիւնը Կիտանեանի յանձնել, անոնց կարգին` հանրապետութեան նախագահն ու վարչապետ Սաատ Հարիրին` տարբեր առիթներով Ազգային հոսանք կուսակցութեան ղեկավար, երեսփոխան Ժըպրան Պասիլի եւ մշակոյթի նախարար Ղաթթաս Խուրիի կողմէ կատարուած յայտարարութիւններուն ընդմէջէն:

2.- Նախարար Կիտանեան յաջողեցաւ բազմազանութիւն բերել լիբանանեան զբօսաշրջութեան մէջ, մինչ նախորդ տարիներուն անիկա կեդրոնացած էր Արաբական Ծոցէն եկողներուն վրայ:

3.- Զբօսաշրջիկներուն թիւը աւելցաւ, մօտեցաւ երկու միլիոնի. ասիկա առաւելագոյն սահմանն է, որուն հասած էր Լիբանան 2010-ին:

4.- Զբօսաշրջիկներուն կողմէ ծախսուած գումարը բարձրացաւ եւ հասաւ 7,3 միլիառ տոլարի, ինչ որ կարեւոր թիւ է ազգային տնտեսութեան ամրապնդման իմաստով:

5.- Կիտանեանի յաջողութիւնը «Վիզիթ Լեպընըն» համագումարին, որուն ճամբով Լիբանան իր արժանի տեղը ունեցաւ համաշխարհային զբօսաշրջութեան քարտէսին վրայ: Նաեւ մեծապէս աւելցաւ եւրոպացի զբօսաշրջիկներուն թիւը` լիբանանեան զբօսաշրջութիւնը ամբողջ տարուան, չորս եղանակներուն վրայ տարածելով: