Բազմակի քվեարկության դեպքեր են գրանցվել

Երևանի քաղաքապետի ընտրություններում, «Թրանսփարենսի ինթերնեշնլ»-ի տեղեկացմամբ, այսօր մի քանի ընտրատեղամասերում տեղի են ունեցել բազմակի քվեարկության դեպքեր:

Ըստ կայքի՝ նման մի քանի փորձ է տեղի ունեցել Արաբկիրի 4/34 և Ավան 1/3 ընտրատեղամասերում:  Ավանի վերոնշյալ ընտրատեղամասում, օրինակ, տարեց մի տղամարդ այցելել է տեղամաս` ընտրելու ոմն տարեց կնոջ հետ, ով իբրև թե գնացել էր օգնելու, որպեսզի տարեց տղամարդը կարողանա ընտրել: Սակայն պարզվել է, որ այդ տղամարդը արդեն իսկ ընտրել է: Ոստիկաններ են այցելել տեղամաս, թույլ չի տրվել երկրորդ անգամ ընտրել: Միջադեպը գրանցվել է գրանցամատյանում:

Արաբկիրի 4/34 ընտրատեղամասում դիտորդը 16:00-ի դրությամբ արձանագրել է այլ անձի փոխարեն քվեարկության երեք դեպք: