Անսպասելի էր Վարդան Մինասյանի հրաժարականը. Արթուր Վանեցյան

Այսօր Արթուր Վանեցյանը, ՀՖՖ նախագահի պաշտոնում միաձայն ընտրվելուց հետո, պատասխանել է լրագրողների հարցերին: Նա հաստատեց, որ շրջանառվող լուրերը, որ հանդիպել է  Յուրի Ջորկաեֆի հետ, ճիշտ են: Սակայն Վանեցյանը հրաժարվեց մանրամասներ պատմել այդ հանդիպման մասին: Նա նշեց, որ առջևում սպասվում է  Հայաստան - Մակեդոնիա ֆուտբոլային հանդիպումը: նա կարծիք հայտնեց, որ հայկական ֆուտբոլում արմատական փոփոխությունները դրական կանդրադառնան ազգային հավաքականի խաղերի վրա:

«Շատ եմ ուզում, որ մեր հավաքականը Ազգերի լիգայում նախընտրական փուլը հաղթահարի եւ դուրս գա Եվրոպայի առաջնություն: Անելու եմ ամեն ինչ, որ այդպես լինի: Հույս ունեմ, որ մենք ունենալու ենք լուրջ հաջողություններ, մեր ֆուտբոլիստներն անելու են ամեն ինչ, որ այլեւս ազգային հավաքականը պարտություններ չունենա ու խաղաղ արժանապատիվ ֆուտբոլ» :

 Խոսելով ազգային հավաքականի գլխավոր մարզչի  հրաժարականի մասին, նա նշեց, որ իր համար անսպասելի է եղել Վարդան Մինասյանի հրաժարականը:

«Մենք չենք զրուցել, հանդիպել ենք մեկ անգամ: Նախորդ գիշերվանից մեկնարկել են  հավաքականի նոր գլխավոր մարզիչ գտնելու ուղղությամբ աշխատանքները: Կան մի քանի թեկնածուներ, որոնց անունները չեմ կարող նշել: Թեկնածուները եւ դրսից են, եւ ներսից: Առաջիկա 2-3 օրերի ընթացքում կներկայացվի հավաքականի նոր մարզիչի թեկնածությունը»,- ասաց Վանեցյանը: