Երբ կգա ժամանակը` կպատասխանեմ. վարչապետի ոճաբան-օգնական

Վերջին օրերին վարչապետ Նիկոլ Փաշինյանի նոր օգնականի նշանակումը մեծ աղմուկ էր բարձրացրել համացանցում: Արտառոցն այդ նշանակման մեջ այն էր, որ վարչապետի օգնական էր դարձել առաջին տիկնոջ` Աննա Հակոբյանի վարսավիր-ոճաբանը` Սոֆյա Նավասարդյանը:

Այսօր` նշանակումից ընդամենը մի քանի օր անց,  վարչապետ Նիկոլ Փաշինյա­նի պաշտոնական կայքէջի «Աշխատակազմ» բաժնում Սոֆյա Նավասարդյանի անունը նշված չէ, անգամ վարչապետի որոշումների բաժնից հեռացվել է նշանակման մասին որոշումը:

Թյուրիմացությո՞ւն է, թե՞ Նավասարդյանն այլևս վարչապետի օգնականը չէ` փորձեցինք  ճշտել անձամբ Սոֆյա Նավասարդյանից, ով մեզ հետ հեռախոսազրույցում ասաց, որ հարցազրույցներ և մեկնաբանություններ տալ չի ցանկանում: «Երբ կգա ժամանակը` կպատասխանեմ»,- նշեց նա: