Գրքեր՝ կառավարությանը

Մեկնարկել է կառավարության հերթական նիստը: ՀՀ վարչապետ Նիկոլ Փաշինյանը նշեց, որ «Անտարես» հրատարակչությունը կառավարությանը գրքեր է նվիրել, և այդ ակցիայի նպատակն է խթանել ընթերցանությունը, հատկապես՝ կառավարության անդամների շրջանում:

«Եթե այլ հրատարակչություններ նույնպես ցանկություն կհայտնեն մեզ գրքեր նվիրելու, մենք հաճույքով կընդունենք: Մյուս կողմից, լավ կլինի, որ մենք նաև գրահրատարակչության աջակցման քաղաքականություն ունենանք: Կուզեի ասել նաև, որ, ի հեճուկս տարածված կարծիքի, Հայաստանում այսօր էլ ստեղծվում են արժեքավոր գրական գործեր, որոնց ընթերցումը շատ բան կտա բոլորիս»,- ասաց վարչապետը:

Նա նշեց նաև, որ հույս ունի՝ կկարողանան իրենց ժամանակն այնպես կազմակերպել, որպեսզի գեղարվեստական գրականություն կարդալ էլ հասցնեն: