Պոլսահայ մտավորական Ալին Օզինյանի հեղինակությամբ 2 գրքեր են հրատարակվել

Վերջերս թուրքական SRC հրատարակչատունը լույս է ընծայել Հայաստանում մշտական բնակություն հաստատած պոլսահայ մտավորական Ալին Օզինյանի 2 գրքերը։ «Մեր միջի նվագախումբը» և «Արմատներ ու թևեր» վերնագրով գրքերում հեղինակն անդրադառնում է տարբեր ինքնություններ ունեցող մարդկանց այն խնդիրներին, որ նրանք հանդիպում են թուրքական հասարակության մեջ։

Այդ մասին հաղորդում է Akunq.net-ը՝ վկայակոչելով թուրքական «Արթըգերչեք» լրատվակայքը։

Աղբյուրի համաձայն՝ Ալին Օզինյանը, լինելով պոլսահայ, ներկայացնում է, թե Թուրքիայում տարվող ինքնության քաղաքականությունն ինչպես է ազդել տեղի քաղաքացիների վրա։ Հեղինակը գրքերում նաև բարձրացնում է այնպիսի հարցեր, որոնց շուրջ մինչ այդ ընթերցողները դեռևս չէին մտորել։  

Ալին Օզինյանը Թուրքիայում այլազգիների հանդեպ տարածված բացասական վերաբերմունքին առնչվող հարցերը քննարկելիս ընդգծում է այն որոշիչ ազդեցությունը, որ այդ հարցի վրա ունեցել է ոչ միայն քաղաքականությունը, այլ նաև՝ գրականությունը, արվեստը, ճարտարապետությունը և մինչև իսկ խոհանոցը։

«Արմատներ և թևեր» գրքում Օզինյանը ներկայացնում է այն աշխատանքները, որ կատարել են Թուրքիայի հայերը թուրքերենը զարգացնելու համար և անդրադառնում փոքրամասնությունների, հատկապես հայերի՝ թուրքական մշակույթում ունեցած ներդրման հարցին։ 

https://artigercek.com/kultur-sanat/alin-oziniandan-iki-yeni-kitap-icimizdeki-orkestra-ile-kokler-ve-kanatlar-261285h#google_vignette

Թարգմանեց Մելինե Անումյանը

Akunq.net