Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
«Դոյչե Վելե»-ի ռուսական ծառայությունն անդրադարձել է ՀՀ վարչապետ Նիկոլ Փաշինյանի ձևավորած կառավարության աշխատանքին:
«Ինչպես Նիկոլ Փաշինյանը խոստացել էր, նոր կառավարությունում չկան գործարարներ և օլիգարխներ, ինչը, ընդհանուր առմամբ, դրական արձագանք է գտել հասարակությունում: Երկրի բնակչությունն ավելի թերահավատորեն է վերաբերվել այն բանին, որ պատասխանատու պաշտոնների են նշանակվել մեծ մասամբ վարչական աշխատանքի փորձ չունեցող երիտասարդներ»,-գրում է պարբերականը:
Քաղաքական և միջազգային հետազոտությունների հայկական կենտրոնի փորձագետ Ռուբեն Մեհրաբյանը նոր կառավարության գլխավոր ձեռքբերում է անվանել այն, որ իշխանությունները կատարել են կոռուպցիայի դեմ պայքարի իրենց խոստումը: Որպես օրինակ` նա բերել է գեներալ Մանվել Գրիգորյանի և ՀՀ 3-րդ նախագահ Սերժ Սարգսյանի անվտանգության ծառայության նախկին պետ Վաչե Ղազարյանի ձերբակալությունը:
Նոր կառավարության հաջողությունների մասին է խոսել է նաև քաղաքագետ Միքայել Զոլյանը: «Գրեթե ամեն օր մենք լսում են նոր հետաքննությունների, կոռուպցիոն հանցագործությունների բացահայտման մասին, կան սկանդալային ձերբակալություններ»,- ասել է նա:
Մինուսների թվում է, ըստ նրա, այն, որ բացակայում է բարեփոխումների ընդհանուր ռազմավարությունը և պակասում է տարբեր գերատեսչությունների միջև համակարգումը:
Ռուբեն Մեհրաբյանի կարծիքով` երիտասարդ թիմը դեռ պետք է փոխի ողջ համակարգը, ծառայեցնի այն պետության և հասարակության շահերի սպասարկմանը, իսկ նախկինում ամեն բան ծառայում էր անձանց շահերին:
Ըստ Մեհրաբյանի` նոր կառավորւթյունը շատ ժամանակ չունի, քանի որ արդեն աշնանը կլրանա կառավարության գործունեության 100-րդ օրը, և բոլոր չլուծված հարցերը կարող են բարձրացվել ոչ միայն ընդդիմախոսների կողմից, այլ նաև նրանց, ովքեր աջակցում են նոր իշխանություններին: