Կառավարությունը աշխատում է սաբոտաժի պայմաններում. Նիկոլ Փաշինյան

Ժամեր առաջ ԱԺ-ում  տապալվեցին  Ընտրական օրենսգրքի փոփոխությունները, որից հետո վարչապետի պաշտոնակատար Նիկոլ Փաշինյանը ֆեյսբուքյան տեսակապով կարծիք հայտնեց, որ քաղաքական մեծամասնության` ՀՀԿ-ի կողմից սաբոտաժը շարունակվում է, և կառավարությունը ստիպված է աշխատել հենց այդ սաբոտաժի պայմաններում:

Ըստ Փաշինյանի, ԸՕ առաջարկվող փոփոխությունները նպատակ ունեին առավել ժողովրդավարական դարձնել այն, և այս սաբոտաժըվկայում է այնմասին, որ խորհրդարանական արտահերթ ընտրությունները անհրաժեշտություն են:

«Եթե անգամ ԱԺ ընտրությունները տեղի ունենան հին ԸՕ-ով, դա ոչ մի բան չի փոխելու,քանի որ ժողովրդի հաղթանակը նրա ձեռքից չեն կարող վերցնել: Ռևանշ չի լինելու: ՀՀ քաղաքացիներին կոչ եմ անում պատրաստվել ԱԺ ընտրություններին: Դրանք կկայանան դեկտեմբերին»,- ասաց Նիկոլ Փաշինյանը: