Այլևս չեմ կարող աշխատել այդ կնոջ հետ. Գերմանիայի ՆԳՆ ղեկավարը` Մերկելի մասին

Գերմանիայի ՆԳՆ ղեկավար  Հորստ Զեեհոֆերը հայտարարել է, որ «այլևս չի կարող աշխատել այդ կնոջ հետ», նկատի ունենալով Գերմանիայի կանցլեր Անգելա Մերկելին, և պատրաստ է վերջնագիր ներկայացնել միգրացիոն հարցի վերաբերյալ. հայտնում է Газета.ру-ն:

Թերթը նշում է, որ Գերմանիայի կառավարության ներսում կոնֆլիկտը սպառնում է կոալիցիայի փլուզմամբ:

«Մերկելն առանց այդ էլ ստիպված է եղել լուրջ փոխզիջումների գնալ կառավարություն ձևավորելու համար: Նոր ճգնաժամը կարող է հանգեցնել արտահերթ ընտրությունների, որոնցում կանցլերի հաղթանակը երաշխավորված չէ»,- նշում է թերթը:

Նախարարն այդ հայտարարությունն արել է իր կողմից մշակվող` միգրացիոն խնդրի հաղթահարման վերաբերյալ ռազմավարության քննարկման տապալումից հետո: