Փոխարժեքներ 22 10 2024
USD	⚊	$ 387.16
EUR	⚊	€ 419.99
RUB	⚊	₽ 4.03
GBP	⚊	£ 504.2
GEL	⚊	₾ 142.18

կարևոր

Երբ Նիկոլ Փաշինյանը կողմ էր քվեարկում «Վարչատարածքային բաժանման մասին» օրենքին, էդ ժամանա՞կ էլ էր մտածում` «Արցախն Ադրբեջանն է, և վերջ». Արծվիկ Մինասյանը ՔՊ-ին
54 վայրկյան առաջ Քաղաքական
Արցախի ժողովրդի՝ իր սեփական հողում ապրելու իրավունքն անժխտելի է, որը ո՛չ Ալիեւը եւ ո՛չ ուրիշ մեկը իրավունք ունի հերքելու կամ անտեսելու
30 րոպե առաջ Քաղաքական
5 միլիոն բնակչություն չենք ունենա. Փաշինյանը խաբել է. Մաս 235. «Ժողովուրդ»
47 րոպե առաջ Քաղաքական
Կրկին փորձիր․ «Հրապարակ»
56 րոպե առաջ Քաղաքական
«Թավշյա հեղափոխության» իրական կողմը. Արփի Դավոյանին պարտքի համար դատի էին տվել. «Ժողովուրդ»
1 ժամ առաջ Իրավական
Ֆուտբոլում ևս, փաստորեն, բոլորը մեղավոր են, բացի ՀՖՖ ղեկավարությունից. «Փաստ»
1 ժամ առաջ Հասարակություն
Փոփոխություններ ընտրական օրենսգրքում, ՀՌՀ անդամի եւ Վճռաբեկ դատարանի դատավորի ընտրություն. «Ժողովուրդ»
1 ժամ առաջ Քաղաքական
Կհարցաքննեն կուսակիցներին․ «Հրապարակ»
1 ժամ առաջ Իրավական
Ինչի՞ հաշվին է միջին ամսական աշխատավարձի ցուցանիշով առաջատարը Սյունիքի մարզը. «Փաստ»
1 ժամ առաջ Հասարակություն
ՊՎԾ պետ Ռոմանոս Պետրոսյանին կանչել են Քննչական կոմիտե ու հարցաքննել. «Ժողովուրդ»
1 ժամ առաջ Իրավական

0 դիտում,

6 տարի առաջ - 2018-05-30 20:18

Քաղաքական

Հայաստանի ու Վրաստանի ԱԳ նախարարները հանդիպել են

Մայիսի 30-ին պաշտոնական այցով Վրաստանում գտնվող ՀՀ վարչապետ Նիկոլ Փաշինյանի գլխավորած պատվիրակության կազմում գտնվող արտաքին գործերի նախարար Զոհրաբ Մնացականյանը հանդիպեց Վրաստանի փոխվարչապետ, արտգործնախարար Միխեիլ Ջանելիձեին:

Ողջունելով հյուրին և շնորհավորելով արտգործնախարարի պաշտոնում նշանակվելու կապակցությամբ՝ Վրաստանի արտգործնախարարը նշեց, որ ուրախ է Թբիլիսիում հանդիպել բարեկամ Հայաստանի իր գործընկերոջը: Խորհրդանշական համարելով, որ ՀՀ վարչապետի առաջին պաշտոնական այցելությունը տեղի է ունենում հենց Վրաստան՝ Միխեիլ Ջանելիձեն համոզմունք հայտնեց, որ այն նոր լիցք կհաղորդի հարևան երկրների միջև բարիդրացիական հարաբերություների զարգացմանը:

Իր հերթին ՀՀ ԱԳ նախարարը, շնորհակալություն հայտնելով ջերմ ընդունելության համար, նշեց, որ պաշտոնավարման ընթացքում ձեռնարկելու է բոլոր հնարավոր քայլերը հայ-վրացական հարաբերությունների առավել զարգացման ուղղությամբ: Նախարար Մնացականյանը նշեց, որ առկա է համագործակցության խորացման և ընդլայնման համար երկկողմ պատրաստակամություն` հիմնված փոխադարձ ըմբռնման և հարգանքի վրա:

Նախարարները երկուստեք հաստատեցին համատեղ ջանքերով երկու երկրների միջև կապերի առավել խորացման և ամրապնդման պատրաստակամությունը՝ կարևորելով արտաքին քաղաքական գերատեսչությունների արդյունավետ համագործակցության, ԱԳՆ-ների միջև ոլորտային ուղղություններով պարբերական խորհրդակցությունների անցկացման և նախարարների պարբերական հանդիպումների դերն այս ուղղությամբ:

Հանդիպման ընթացքում հանգամանալից քննարկում տեղի ունեցավ հայ-վրացական օրակարգային հարցերի լայն շրջանակի վերաբերյալ: Արտգործնախարարների ուշադրության կենտրոնում էին քաղաքական երկխոսության ընդլայնմանը, առևտրատնտեսական կապերի խորացմանը, միջազգային հարթակներում փոխգործակցությանը, իրավապայմանագրային դաշտի ընդլայմանն առնչվող հարցերը:

Հայաստանի և Վրաստանի արտաքին քաղաքական գերատեսչությունների ղեկավարները մտքեր փոխանակեցին վիրահայությանը հուզող հարցերի շուրջ, անդրադարձան տարածաշրջանային ու միջազգային հրատապ մի շարք խնդիրների:

ԱԳ նախարարը վրացի իր գործընկերջը ներկայացրեց ԵԱՀԿ Մինսկի խմբի համանախագահների ձևաչափում ղարաբաղյան հիմնախնդրի խաղաղ կարգավորմանն ուղղված ջանքերը՝ վերահաստատելով Հայաստանի հանձնառությունը ղարաբաղյան հիմնահարցի բացառապես խաղաղ հանգուցալուծմանը: