Էրդողանի կուսակցությունը կրկին առաջադրել է իշխանամետ հայ պատգամավորի թեկնածությունը

Թուրքիայի կուսակցությունները շարունակում են նախապատրաստական աշխատանքները հունիսի 24-ին տեղի ունենալիք արտահերթ խորհրդարանական և նախագահական ընտրություններին։

Ըստ Sabah-ի` Թուրքիայի իշխող «Արդարություն և զարգացում» կուսակցությունը Կենտրոնական ընտրական հանձնաժողովին  է ներկայացրել իր ընտրացուցակը։ Պատգամավորի թեկնածու է առաջադրվել 600 հոգի, որոնցից 123-ը կանայք են։

Ինչպես 2015 թվականին, այնպես էլ առաջիկա խորհրդարանական ընտրություններին, ԱԶԿ-ից, որպես Ստամբուլի պատգամավորի թեկնածու, առաջադրվել է հայ Մարգար Եսայանը, ով նախորդ ընտրությունների արդյունքներով պատգամավորական մանդատ էր ստացել:

Նշենք, որ Մարգար Եսայանը հայտնի է իր իշխանամետությամբ: