Իշխանամետ Շիրինօղլուն հանդիպել է Էրդողանի խորհրդականների հետ

Պոլսում հայկական Սուրբ Փրկիչ հիվանդանոցի հոգաբարձուների խորհրդի նախագահ, իշխանամետ Պետրոս Շիրինօղլուն Անկարայում հանդիպել է Թուրքիայի նախագահ Ռեջեփ Թայիփ Էրդողանի խորհրդականների հետ:

Ըստ «Ակօս»-ի՝ Պոլսո Հայոց պատրիարքի ընտրությունների շուրջ ստեղծված ճգնաժամի ֆոնին կայացած այս հանդիպումների մասին լուրը հայկական պարբերականը վերնագրել է՝ «Անկարայում գաղտնի և փակ շփումներ»:

Ըստ  թերթի՝ Պոլսո Հայոց պատրիարքի տեղապահ Գարեգին արքեպիսկոպոս Բեկչյանն ու Պոլսի հայկական հիմնադրամների մի շարք ղեկավարներ տեղյակ չեն եղել Շիրինօղլուի անցկացրած հանդիպումից: Ուշագրավ է, որ հանդիպման ընթացքում քննարկված թեմաների մասին ոչ մի տեղեկություն չկա:

Հիշեցնենք, որ պատրիարքական ընտրությունների հարցով Շիրինօղլուն նախորդ տարի հանդիպում էր ունեցել նաև նախագահ Էրդողանի հետ: