Կրեմլում «անհաջող» են համարում Միխայիլ Լեոնտևի խոսքերը Հայաստանի մասին

Կրեմլում «անհաջող» են համարում հեռուստալրագրող  Միխայիլ Լեոնտևի խոսքերը Հայաստանի մասին և կարծում են, որ դրանց պետք չէ ուշադրություն դարձնել: Այս մասին հայտնել է ՌԴ նախագահ Վլադիմիր Պուտինի մամուլի քարտուղարի պաշտոնակատար Դմիտրի Պեսկովը. հայտնում է ТАСС-ը:

«Այդ արտահայտությունները ոչ մի ընդհանուր բան չունեն և չեն կարող ունենալ Հայաստանի հարցում Մոսկվայի պաշտոնական դիրքորոշման հետ: Եվ դրանք ոչ մի ընդհանուր բան չունեն և չեն կարող ունենալ բարեկամության ու եղբայրության այն ջերմ զգացմունքների հետ, որ ռուսները պատմականորեն տածում են հայ ժողովրդի հանդեպ»,- ասել է Պեսկովը:

Ավելի վաղ Լեոնտևը Комсомольская правда-ի եթերում ասել էր, թե ամբողջ պատմության ընթացքում Հայաստանը բեռ է եղել Ռուսաստանի համար: