Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

Արդարացվեց Սրբազան շարժման օրերին հետապնդման ենթարկված ևս երկու մասնակից. փաստաբան
3 ժամ առաջ Իրավական
ՀԲԸՄ֊ի «Կարիերայի նոր հնարավորություններ և հեռանկարներ» խորագրով տոնավաճառը
4 ժամ առաջ Հասարակություն
Մեդվեդևը հրապարակել է «Օրեշնիկ» հրթիռային համակարգ հարվածի տեսանյութը
4 ժամ առաջ Տարածաշրջան
ՔՊ կուսակցությանը նվիրատվություն կատարած ընկերությունը տուգանվում է նվիրած գումարի չափով․ «Ժողովուրդ»
4 ժամ առաջ Հասարակություն
Աղազարյանը վատ դրության մեջ է դրել ՔՊ-ին. համարձակ հերոս է խաղում․ «Ժողովուրդ»
5 ժամ առաջ Հասարակություն
Սիմիդյանի նախարարությունը չի կարողացել ապահովել Սևանա լճի հետ կապված աշխատանքների կազմակերպումը․ «Ժողովուրդ»
5 ժամ առաջ Հասարակություն
Ժամկետ խախտած ԿԳՄՍ նախարարը պատասխանատվություն կրելո՞ւ է. «Հրապարակ»
5 ժամ առաջ Հասարակություն
Ինչ ունեցվածք և դրամական միջոցներ ունի Քննչական կոմիտեի ղեկավարի հավանական թեկնածուն. «Ժողովուրդ»
5 ժամ առաջ Հասարակություն
Ուկրաինան Կանադայից կստանա NASAMS հակաօդային պաշտպանության համակարգը
21 ժամ առաջ Աշխարհ
Բանաձևն ազդարարեց՝ պատանդառված մեր հայրենակիցների հարցով գործընթացի շարունակությունը․ Սիրանուշ Սահակյան
21 ժամ առաջ Քաղաքական

0 դիտում,

6 տարի առաջ - 2018-04-13 16:06

Հասարակություն

Քննարկվել են քոլեջներում կրթության որակի ապահովման խնդիրները

Միջին մասնագիտական ուսումնական հաստատություններում կրթության որակի ապահովման խնդիրներն այսօր քննարկվեցին Մասնագիտական կրթության որակի ապահովման ազգային կենտրոնի (ՈԱԱԿ) կազմակերպած համաժողովի ժամանակ: ՈԱԱԿ հասարակության հետ կապերի բաժնից տեղեկացնում են, որ այսօր Հայաստանի ամերիկյան համալսարանում տեղի ունեցավ «Միջին մասնագիտական ուսումնական հաստատություններում որակի ապահովման համակարգի ներդրում. խնդիրներ և հնարավորություններ» թեմայով համաժողովը:

ՈԱԱԿ տնօրեն Ռուբեն Թոփչյանը ողջունելով համաժողովի մասնակիցներին՝ նշեց, որ միջին մասնագիտական ուսումնական հաստատություններում որակի ապահովման գործընթացները համեմատաբար վերջերս են ծավալվել, և որակի ներքին ապահովման համակարգի կայացման, որակի մշակույթի ձևավորման փուլում չափազանց կարևոր է երկխոսությունը քոլեջների միջև: «ՈԱԱԿ նախաձեռնած համաժողովի նպատակներից մեկը հենց երկխոսությունը, մասնագիտական քննարկումները խթանելն է»,- ասաց պարոն Թոփչյանը՝ վստահություն հայտնելով, որ միջին մասնագիտական ուսումնական հաստատությունների ներկայացուցիչների համաժողովը կդառնա ամենամյա:

Համաժողովի ընթացքում քննարկվեց, թե քոլեջներն ինչ աշխատանքներ են իրականացրել որակի ներքին ապահովման համակարգի ներդրման ուղղությամբ, որակի ապահովման համակարգի ներդրումից հետո ինչ փոփոխություններ են տեղի ունեցել, ինչպես են հաղթահարել խոչընդոտները և այլն: Քոլեջների ներկայացուցիչները պատմեցին նաև իրենց լավագույն փորձի մասին, որը կարող է կիրառվել մյուս ուսումնական հաստատություններում:

Համաժողովի մասնակիցները քննարկեցին նաև, թե որքանով է քոլեջների առաքելությունը համապատասխանում պետության կարիքներին, ինչպես են համագործակցում գործատուների հետ, որքանով են կարողանում աշխատաշուկայի կարիքներին համապատասխան մասնագետներ պատրաստել: Անդրադարձ կատարվեց հարցին, թե քոլեջի շրջանավարտը որքանով է կայացած մասնագետ, որը կարող է անմիջապես աշխատաշուկա մտնել:

Ներկայացվեց ՈԱԱԿ մշակած և փորձարկած ՄՈՒՀ-գործատու համագործակցության մոդելը, որի կիրառումը կբարելավի ուսումնական հաստատությունների և գործատուների երկխոսությունը և կնպաստի աշխատաշուկայի կարիքներին համապատասխան մասնագետների պատրաստմանը:

Աշխատաշուկայում որակավորումների ճանաչման խնդիրն առավել ընդգրկուն կքննարկվի ապրիլի 16-17-ին կայանալիք «Կրթություն և մասնագետ. մասնագիտական կրթությունն այսօր և վաղը» խորագրով ֆորումի շրջանակներում: