Կեմերովոյում հարազատներին կորցրած մարդիկ չգիտեն` ինչպես շարունակել ապրել

Պաշտոնական տվյալներով` Կեմերովոյում ողբերգական հրդեհի հետևանքով զոհվել է 64 մարդ: Զոհվածների հարազատները ասում են, որ այլևս իմաստ չեն տեսնում իրենք կյանքում. գրում է tjournal.ru-ն` անդրադառնալով «Զիմնյայա վիշնյա»-ում տեղի ունեցած հրդեհին:

Կայքն անդրադարձել է հրդեհի հետևանքով իրենց հարազատներին ու ընկերներին կորցրած մարդկանց: Նրանց թվում է Սարգիս Խումարյանը, ով կորցրել է որդուն ու թոռանը: Որդու մարմինը նրանց ցույց չեն տվել, նա ճանաչել է որդուն մատանիով և խաչով:

Խումարյանը ցանկանում էր հանդիպել ՌԴ նախագահ Վլադիմիր Պուտինի հետ և խնդրել նրան` խստորեն պատժել բոլոր մեղավորներին, սակայն չի հասցրել: Նրա խոսքով` իր թոռը մարզպետի մրցանակի դափնեկիր էր ու կարող էր «հայտնի ֆիզիկոս դառնալ», եթե չմահանար:

Տղամարդը չգիտի՝ ինչով կզբաղվի հետագայում: «Ի՞նչ անեմ 70 տարեկանում: 70 տարեկան, պատկերացնո՞ւմ եք»,- ասել է նա:

Մյուսների պատմություններին կարող եք ծանոթանալ այստեղ: