Լապշինը կայցելի Երևան

Հայտնի բլոգեր Ալեքսանդր Լապշինը կայցելի Երևան: Այս մասին նա գրել է Facebook-ի իր էջում:

Ապրիլի 20-ից 22-ը նա մասնակցելու է Երևանում կայանալիք «In Tour Expo 2018» զբոսաշրջային միջազգային ցուցահանդեսին:

«Ցուցահանդեսին ես ներկայացնելու եմ իմ հեղինակային ծրագիրը` «Լապշինի արահետներով դեպի Բաքու»: Ծրագրում ներառված են Մեհրիբան Ալիևայի անձնական ինքնաթիռով թռիչքը, հանգիստը Կուրդախանա բանտում (all inclusive) և ծանր հանցագործությունների` Բաքվի դատարանը: Ճամփորդության գինը պայմանագրային է: Կատակում եմ: Իրականում ցուցահանդեսի ժամանակ պատմելու եմ ճամփորդությունների մասին: Հետաքրքիր է լինելու, եկեք»,- գրել է բլոգերը: