Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Կառավարության նիստից հետո ԱԳ նախարարի տեղակալ Շավարշ Քոչարյանը լրագրողների հետ զրույցում անդրադարձավ ԱՄՆ հետախուզական ծառայությունների հրապարակած զեկույցին, որում նշվում է, թե Լեռնային Ղարաբաղի շուրջ լարվածությունը կարող է վերածվել ռազմական լայնածավալ գործողությունների, քանի որ չի նկատվում երկու կողմերի` փոխզիջումների գնալու պատրաստակամությունը:
«Այն հանգամանքը, որ պայթյունավտանգ է իրավիճակը, բոլորիս համար ակնհայտ է, դրա վկայությունն են 2016 թվականի ապրիլյան դեպքերը: Բավական է հիշատակել Ադրբեջանի նախագահի վերջին ելույթը, որը միանշանակ ցույց է տալիս, թե ինչի է նա պատրաստ, և որ Ադրբեջանը պատրաստ չէ բանակցային գործընթացում առաջընթացի: Իր այդպիսի ելույթով Ադրբեջանի նախագահը փայլուն կերպով անհերքելի ապացուցեց, որ Ղարաբաղը երբևիցե չի կարող լինել Ադրբեջանի կազմում, և որ Արցախի Հանրապետության միջազգային ճանաչումն անխուսափելի է»,- ասաց Քոչարյանը: