Սոցիալական իրավիճակը պայթյունավտանգ է

Հայ ազգային կոնգրեսի ներկայացուցիչ Դավիթ Շահնազարյանի համոզմամբ` շուտով կիրականանան այն տնտեսագետների կանխատեսումները, որոնց համոզմամբ` Հայաստանը շուտով ծանր իրավիճակի առաջ կկանգնի:  «Հայաստանի սոցիալական իրավիճակն արդեն պայթյունավտանգության տարր է պարունակում: Իսկ  իշխանությունները որևէ կերպ չեն ցանկանում իրավիճակը փոխել, այլ իրենց քայլերով ավելի են սրում»,- հայտարարեց նա:

Շահնազարյանի պնդմամբ`արդեն փոքր ու միջին բիզնեսն են սկսել տեղափոխել հարեւան երկրներ, իսկ դա  իշխանություններին չի անհանգստացնում, ավելին` նրանք իրենց քայլերով խրախուսում են արտագաղթը:

Բանախոսը խոստացավ այդ ամենին ավելի մանրամասն անդրադառնալ ՀԱԿ-ի` փետրվարի 18-ի հանրահավաքի ընթացքում:

Նա չմոռացավ կրկնել, որ իրենք այս ամենի լուծումը տեսնում են արտահերթ ընտրությունների անցկացման մեջ: