Էս ժողովուրդը 250 հազար դրամ ունի՞, որ տա դրանց. Սեյրան Սարոյան

ԱԺ ՀՀԿ-ական պատգամավոր Սեյրան Սարոյանը դեմ է հասարակական վայրերում ծխելու համար սահմանվող տուգանքներին: ԱԺ-ում լրագրողների հետ զրույցում, անդրադառնալով տուգանքների չափին, ասաց. «Էս ժողովուրդը 250 հազար դրամ ունի՞, որ տա դրանց»:

Նշենք, որ ծխելու դեմ բարձր տուգանքներ սահմանող նախագիծը շրջանառության մեջ է դրել առողջապահության նախարարությունը:

«Ես ծխող մարդ եմ, ո՞նց կարամ կողմ ըլնեմ: Չծխող մարդը նորմալ մարդ ա, իսկ ծխող մարդը հիվանդ ա: Ոնց որ հիվանդ մարդուն ասես` դեղ մի խմա, կըլնի՞ տենց»,- ասաց պատգամավորը:

Դիտարկմանը` առողջապահության նախարարն ասում էր, որ ծխողներն անհաջողակ են, Սեյրան Սարոյանն արձագանքեց. «Առողջապահության նախարարը դրա համար հաջողության մեջ մեռնում ա»: