Վրաստանում ավազակային հարձակումից տուժած ՀՀ քաղաքացին դուրս է գրվել հիվանդանոցից

Վրաստանում ՀՀ դեսպանությունը հայտարարություն է տարածել Վրաստանում ավազակային հարձակման ենթարկված ՀՀ քաղաքացու առողջական վիճակի վերաբերյալ:

«Վրաստանի Օզուրգեթի քաղաքում ավազակային հարձակման հետևանքով տուժած ՀՀ քաղաքացի Արթուր Սուքիասյանը դուրս է գրվել հիվանդանոցից և այժմ գտնվում է տանը։ Տուժածն իրեն լավ է զգում։ Վրաստանում ՀՀ դեսպանությունը մշտական կապ է պահպանում իրավապահ մարմինների հետ»:

Հիշեցնենք, որ ՀՀ քաղաքացի, գործարար Արթուր Սուքիասյանը ավազակային հարձակման է ենթարկվել հունվարի 13-ին, երբ անհայտ անձինք հարձակվել են նրա վրա, բութ առարկայով նրա գլխին են հարվածել, իսկ հետո նրա մոտից գողացել շուրջ 11 700 դոլար: Ավազակային հարձակումից հետո ՀՀ քաղաքացին բուժում էր ստանում Բաթումի հիվանդանոցներից մեկում: