Կներդրվի նոտարի էլեկտրոնային կատարողական մակագրության ինստիտուտը

Այսօր կառավարության նիստում արդարադատության նախարար Դավիթ Հարությունյանը ներկայացրեց օրենքի նախագիծ, որը վերաբերում է դատարանների գերծանրաբեռնվածության թոթափմանը: Նախարարի խոսքով՝ ուսումնասիրությունները ցույց են տվել, որ դատական գործերում զգալի մաս են կազմում ֆինանսական կազմակերպությունների և բանկերի հայցերով գործերը, որոնք, որպես կանոն, շատ տիպային են ու ծանրաբեռնում են դատարանի աշխատանքը: Առաջարկվում է ընդլայնել նոտարի կատարողական մակագրության ինստիտուտը. երբ նմանատիպ պայմանագրերը վավերացվեն ու ներկայացվեն նոտարին էլեկտրոնային տեսքով, նոտարի կողմից կմակագրվեն էլեկտրոնային տեսքով: Դրանով կպարզեցվի նոտարի կատարողական մակագրության ինստիտուտը:

«Սա, կարծում եմ, էապես կբեռնաթափի մեր դատարանները՝ արագացնելով նման բնույթի գործերի քննությունը»,- ասաց Դավիթ Հարությունյանը: