Դուք, մեծ հաշվով, ընդդիմություն եք. Հրանուշ Հակոբյանը` լրագրողներին

Այն խոսքը, թե` ընդդիմություն կա-չկա, դուք, մեծ հաշվով, ընդդիմություն եք և այստեղ եք, որևէ խնդիր չկա. Հայաստան-Սփյուռք համաժողովում լրագրողներին դիմելով` ասաց ՀՀ Սփյուռքի նախարար Հրանուշ Հակոբյանը:

Նա նշեց, որ  6-րդ համաժողովն իր մեծությամբ, կազմակերպվածությամբ, բոլոր առումներով շատ ավելին էր, քան նախորդ համաժողովները:

Ըստ նախարարի` Համահայկական խորհրդի վերաբերյալ քննարկումը շատ հետաքրքիր էր, և գործընթացը սկսված է: «Երկրորդ գլխավոր խնդրի մասին էլ ամբողջ համաժողովի ընթացքում հնչեցին տարբեր արտահայտություններ, այն է` ինչպես անենք, որպեսզի կարողանանք օգնել Հայաստանի տնտեսական զարգացմանը, ինչպիսի քայլեր ձեռնարկենք, որպեսզի Ցեղասպանության ճանաչման, դատապարտման և հետևանքների վերացման հարցերը կարողանանք առաջ տանել, լուծումներ գտնել: Սփյուռքն, իրոք, ուծացվում է, ձուլվում է, խառնամուսնություններն ավելանում են, լեզու կրողները քչանում են, հայկական դպրոցները փակվում են: Պետք է հասկանանք` ինչպիսի ձևեր գտնենք, որ կարողանանք երիտասարդությանը գրավիչ դարձնել հայերենը, և նրանք սկսեն հայերեն խոսել»,- ասաց նախարարը: