Թուրքիայի 615 պետական պաշտոնյաներ ապաստանի խնդրանքով դիմել են Գերմանիային

2016 թվականի հուլիսի 15-ի ռազմական հեղաշրջման փորձից հետո ապաստան ստանալու նպատակով Թուրքիայից Գերմանիային է դիմել 615 պետական ծառայող: Այդ մասին տեղեկացրել է Գերմանիայի ներքին գործերի նախարար Թոմաս դե Մայզիերեն:

Ըստ Demokrathaber-ի՝ դիմողներից 250-ը ունի դիվանագիտական, 365-ը՝ ծառայողական անձնագիր: Այս տվյալները ներառում են նաև թուրք պաշտոնյաների ընտանիքի անդամներին և վերաբերում են մինչև այս տարվա օգոստոսն ընկած ժամանակահատվածին:

Գերմանիայի ՆԳՆ-ի տվյալների համաձայն՝ ավելացել է նաև Գերմանիայից  ապաստան խնդրող թուրքերի ընդհանուր թիվը: Ընդհանուր առմամբ, ռազմական հեղաշրջման փորձից մինչև այս տարվա օգոստոսը ապաստանի խնդրանքով Գերմանիային է դիմել Թուրքիայի ավելի քան 6700 քաղաքացի: