Ադրբեջանում ահաբեկիչ է ոչնչացվել

Ադրբեջանի պետական անվտանգության ծառայությունը ոչնչացրել  է ահաբեկչի, որը պատրաստվում էր երկրում ահաբեկչական գործողություն իրականացնել: Այդ մասին հայտնում է haqqin.az-ը:

Տեղեկության համաձայն` ծառայությունը ահաբեկչության դեմ պայքարի արշավի շրջանակում պարզել է, որ Ադրբեջանի քաղաքացի, կրոնական ծայրահեղական Յաշար Ջավադովը, որը երկրի սահմաններից դուրս անօրինական խմբավորումների կազմում մասնակցել է զինված հակամարտությունների և ահաբեկչություններ իրականացրել, միացել է ահաբեկչական կազմակերպության, ստացել ֆինանսական օգնություն,  ձեռք բերել հրազեն և պայթուցիկ նյութեր հարձակումներ իրականացնելու համար:

Ձերբակալության ժամանակ Ջավադովը կրակ է բացել ոստիկանության վրա: Պատասխան կրակով հանցագործը ոչնչացվել է: