Իրանցի զինվորների բացած կրակի հետևանքով սպանվել է Թուրքիայի քաղաքացի

Հուլիսի 26-ին Իրանի Իսլամական Հանրապետության զինվորների կողմից արձակած կրակի հետևանքով Թուրքիայի  հարավարևելյան Հաքքարի նահանգի Յուքսեքովա շրջանի Օնբաշըլար գյուղի մոտ  (Իրանի սահմանից գտնվում է 30կմ հռ. վրա) սպանվել է 1  քաղաքացիական անձ  (Քամուրան Ֆըրաթ, 22 տարեկան). տեղեկացնում է Ermenihaber-ը:

Ըստ թուրքական «Haberler» լրատվամիջոցի` դեպքի առնչությամբ սկսվել է հետաքննություն:  

Տեղեկատվության համաձայն՝ նրա վրա կրակ  է արձակվել այն ժամանակ, երբ մոտեցել է  թուրք-իրանյան սահմանին: Աղբյուրը պնդում է, որ նա չէր հատել-թուրք իրանյան սահմանը

Վիրավոր քաղաքացուն տեղափոխել են հիվանդանոց, սակայն նրա կյանքը փրկել չի հաջողվել: 

Իրանի կողմից  առայժմ որևէ հայտարարություն չի արվել: