Տառացի մեջբերված է քրեական օրենսգրքից. Կոստանյան

Այսօր խորհրդանում ՀՀԿ խմբակցության պատգամավոր, նախկին գլխավոր դատախազ Գևորգ Կոստանյանը խորհրդարանում լրագրողների հետ զրույցում անդրադարձավ «Սասնա ծռերի» անդամների մասին արված իր այն հայտարարությանը, թե ով զենքը վայր դնի և հանձնվի՝ ավելի մեղմ կլինի պատիժը:

«Ես ասել եմ, որ եթե հանցագործություն կատարած անձինք 218՝ շենքեր շինություններ գրավելու, 219՝ պատանդ վերցնելու հոդվածներով են մեղադրվում, վայր դնեն իրենց զենքերը և հանձնեն շենքեր շինությունները, պատանդներին բաց թողնեն, ըստ քրեական օրենսգրքի, ենթակա չեն քրեական պատասխանատվության, եթե իրենց արարքներն այլ հանցակազմի տարրեր չեն պարունակում»,- շեշտեց նա: Նա հավալեց, որ ինչ ասել է տառացի մեջբերված է եղել քրեական օրենսգրքից:

«Թե հիմա ինչի չի կիրառվում, կամ ում հանդեպ չի կիրառվում այդ ես տեղյակ չեմ, որովհետև դատավարություններին չեմ հետևում»,- ամփոփեց Կոստանյանը: