57-ամյա տղամարդն ինքնասպան է եղել. օրեր առաջ էլ ինքնասպանության փորձ էր կատարել

Երեկ Արմավիրի մարզի Երասխահուն գյուղում 57-ամյա տղամարդ է ինքնասպանություն գործել: Երասխահունի գյուղապետը` Արմեն Ավետիսյանը, Yerkir.am-ի հետ զրույցում նշեց, որ տղամարդը վերջերս էր Երևանից իրենց մոտ բնակության տեղափոխվել:

«Ձուկ, խեցգետին էր որսում, վաճառում ու ապրում: Նա էլ, կինն էլ առողջական խնդիրներ ունեին: Մի քանի օր առաջ էլի փորձել էր ինքնասպանություն գործել, համագյուղացիները տեսել էին  ու շտապօգնություն կանչել: Բժիշկներին հաջողվեց փրկել տղամարդու կյանքը: Բայց երեկ էլ ծառից էր կախվել, ու դեպքի մասին իմացանք այն ժամանակ, երբ արդեն ոչինչ հնարավոր չէր անել»,- ասաց նա:

Թե ի՞նչն է տղամարդուն դրդել նման քայլի դիմել, գյուղապետը չգիտի, բայց այն, որ տղամարդը սոցիալական  խնդիրներ ուներ, փաստ է: