«Ելք»-ի քաղաքապետի թեկնածուն Նիկոլ Փաշինյանն է

Այսօր «Ելք» դաշինքի խորհրդի նիստից հետո դաշինքի  անդամ  Նիկոլ Փաշինյանը ֆեյսբուքյան ուղիղ եթերով հայտնեց Երևանի ավագանու ընտրություններին մասնակցելու  որոշման մասին: 

Նիկոլ Փաշինյանի խոսքով` մասնակցության որոշումը հեշտ չի տրվել, որովհետև ինքը ընտրվել է պատգամավոր, և հարց էր առաջանում, թե ինչպես իր ընտրողները կնայեն քաղաքապետի ընտրություններին մասնակցելու Փաշինյանի որոշմանը: Մյուս կողմից, ըստ Փաշինյանի, այդ մարդիկ ձայն են տվել, որպեսզի օգտագործվի հնարավորությունը` փոփոխություններ կատարելու համար:

Նշենք, որ «Ելք»-ի ցուցակում է ընդգրկվել նաև «Ժառանգության» նախկին անդամ Անահիտ Բախշյանը:

Մասնավորապես` Ելք դաշինքի ցուցակի առաջին չորս տեղերում են
1. Նիկոլ Փաշինյան
2. Արայիկ Հարությունյան
3. Դավիթ Խաժակյան
4. Անահիտ Բախշյան