Լիբիայում քիմիական զենք է հայտնաբերվել

Լիբիայի Ազգային անցումային խորհրդի ներկայացուցիչները հայտարարել են, որ երկրի հարավում գտնվող Էլ Ջոֆրա օազիսում հայտնաբերել են քիմիական զենքի` իպրիտի պահեստ. գրում է բրիտանական Guardian-ը:

«Էլ Ջոֆրայի ամբողջ շրջանն ազատագրվել է: Այնտեղ քիմիական զենքի պահեստ կար, որը ներկայումս մեր զինվորների վերահսկողության տակ է»,- ասել է Ազգային անցումային խորհրդի ռազմական հրամանատարության ներկայացուցիչը:

2003 թվականին Արեւմուտքի հետ կապերը վերականգնելու նպատակով Կադաֆիի կառավարությունը հայտարարել էր զանգվածային ոչնչացման զենքի ստեղծման ազգային ծրագրի դադարեցման, նաեւ քիմիական զենքի պաշարների ոչնչացման մասին: Ինչպես գրում է Guardian-ը, 2010-ին Լիբիան ոչնչացրել է մոտ 15 տոննա իպրիտ, սակայն, փաստորեն, որոշ մասը թաքցրել է: