Ես անգամ թաքցրել եմ իմ մեծ պլանները, որ ձայներ կորզելու միջոց չհամարեն․ Հովհաննես Վարդանյան

Dialogue.am-ը զրուցել է Դաշնակցության ռեյտինգային թեկնածու, Արաբկիր համայնքի ղեկավար Հովհաննես Վարդանյանի հետ.

-Կա մարդկանց մի խումբ, որը համարում է, որ ինքն այլևս սպառել է իրեն  կենսագործունեության այլ ոլորտում ու եթե գնա խորհրդարան, ապա մի նոր էջ կբացի իր ու մյուսներիս կյանքում, մյուս մասն էլ խորհրդարանն է սպառված գործիչների ու կամակատարների նստավայր համարում: Ինչո՞վ պայմանավորել Ձեր քաղաքական ձգտումները, պարոն Վարդանյան:

-Ես իմ գործունեության դաշտում էլ անելիքներ ունեմ, հաստատ դեռ չեմ սպառել ինձ, բայց ինձ տրված հնարավորությունն ուզում եմ օգտագործել, իսկ ինչու ոչ, և գնալ օրենսդիրում ավելի լուրջ հարցերով զբաղվել:

–Ամեն դեպքում Դուք գործադիր իշխանությունից եք գնում օրենսդիր, որտեղ կա նախաձեռնություներն իրականացնելու լայն հնարավորություն, որոշում կայացնելու և գործելու իրավունք, իսկ օրենսդիրում միայնակ գործել չեք կարող։ Դուք ՀՅԴ ռեյտինգային ցուցակով առաջադրված թեկնածու եք և պիտի գործեք թիմի պայմանավորվածությունների, գաղափարների, թիմի սկզբունքների շրջանակներում: Լճանալուց չե՞ք վախենում:

-Անցածս ճանապահն ու կենսափորձս թույլ չի տալիս վախենալ: Կարծում եմ՝ նախաձեռնող մարդն ամեն տեղ էլ կգործի ու կփոխի ինչ-որ բան: Գնում եմ  կիսատ գործերը շարունակելու, վստահ եմ,  որ փոխըմբռնման մթնոլորտում ինձ սատարող կուսակցության մյուս անդամների հետ կհաջողվի ինչ-որ բան առաջ  մղել:

...

-Իսկ ո՞րն է Ձեզ ամենից շատ մտահոգող խնդիրը, օրենսդրական անկատարությունը, որի համար շատ կուզենայիք հայտնվել օրենսդիրում ու Ձեր հեղինակած նախագծով իրավիճակ փոխեիք:

-Ես այդ անկատարությունը տեսնում եմ հատկապես սոցիալական ոլորտում․ երիտասարդների համար մենք կարծես շատ քիչ բան ենք անում: Կուզենայի հատկապես մեզ շարունակող սերնդի կյանքում ինչ-որ բան հեշտացնել ավելի, որ ձգտում ունենան, որ չվախենան ու չհիասթափվեն կայացման ճանապարհին:

-Դուք այն  «քչերից եք», ում բախտ է վիճակվել ունենալ 103 մրցակից միևնույն ընտարատարածքում՝ այդ թվում Արամ Մանուկյան, ՍԱՍ-ի Արտակ,  Կուտակային կենսաթոշակային համակարգի դեմ բոքողի դուրս եկած «Ոչ»-ի ճակատից ձևավորված քաղհասարակության ներկայացուցիչ՝ Ելք դաշինքից:

Այս անհամաչափ  պայքարում ի՞նչ եք կարծում, այսօրվա արաբկիրցին, Աջափնյակի բնակիչը Ձեզնից ո՞ւմ է հակված հավատալ:

-Մենք թյուր կարծիք ունենք ներկայիս ընտրողի մասին: Ինձ թվում է՝ ընտրողին չես գայթակղի փողով, դատարկ պոպուլիզմով կամ առաքինի կերպարով… մերօրյա քաղաքացին պահանջատեր է ու գործող անձ է փնտրում:

...

-Այսօր քաղաքական քարոզարծավի վերջին օրն է, ինչպե՞ս հաջողվեց այսքան լուրջ մրցակցության ու մրցակիցների քանակի մեջ զերձ մնալ ավելորդ խժդժություններից, արյունալի միջադեպերից: Պայմանավորվածություն կա՞ր կիսել ընտրատարածքը մաս-մաս,  ու միմյանց դաշտ չմտնել:

-Ներքին համաձայնություն՝ լինել զգոն ու զսպել նաև դիմացինին, որպեսզի  ավելորդ բորբոքումներ չսրվեն:

-Իսկ Արտակ Սարգսյանի կողմից ընտրակաշառք բաժանելու մասին լուրերը չե՞ն մտահոգում Ձեզ:

– Դե..․ինչ ասեմ  «ՍԱՍ»-ի Արտակն է..․ինքն էլ փորձում է ամեն գնով ավելի ճանաչելի դառնալ, ինքնահաստատվել:

 Ամբողջական հարցազրույցը՝ սկզբնաղբյուրում