Հրանտ Դինքի սպանության գործով կան նոր ձերբակալվածներ, այդ թվում՝ լրագրողներ

Նոր զարգացումներ են տեղի ունեցել Թուրքիայում լույս տեսնող հայկական «Ակօս» թերթի գլխավոր խմբագիր Հրանտ Դինքի սպանության գործով:

Ըստ «Անադոլու» գործակալության՝ դատավոր Գյոքալփ Քոքչուն ձերբակալման որոշում է կայացրել 6 կասկածյալի նկատմամբ: Նրանք 2007 թվականին սպանության գործով ձերբակալվելուց հետո Սամսունի ոստիկանատանը նկարվել են Թուրքիայի դրոշի ֆոնին, որի վրա գրված էին Աթաթուրքի խոսքերը: Կասկածյալների լուսանկարները հրապարակվել էին մի շարք ԶԼՄ-ների կողմից:

Որոշումից հետո 6 նահանգներում ծավալված գործողությունների ընթացքում ձերբակալվել են լրագրողներ Մուամմեր Այն ու Մուաթ Բայրաքը, Յուքսել Ավանը, Բիրօլ Ուսթաօղլուն, Յաքուփ Քուրթարանն ու Ահմեդ Չեթիները:

Որոնվում է ևս երկու անձ, որոնց նկատմամբ ձերբակալման որոշում է կայացվել: