Գերմանական հետախուզության ղեկավարն ակնկալում է ՌԴ-ի միջամտություն Գերմանիայի ընտրություններին

Գերմանիայի դաշնային հետախուզական ծառայության ղեկավար Բրունո Կալը հայտարարել է Ռուսաստանի կողմից աճած սպառնալիքի մասին՝ հստակեցնելով, որ խոսքն այդ թվում մարտական հզորության ուժեղացման մասին է, հայտնում է «РИА Новости»-ն:

«Ռուսական սպառնալիքն աճել է։ Այդ իսկ պատճառով մենք ընկալում ենք նրան շատ լուրջ», - ասել է նա Spiegel շաբաթաթերթի հետ զրույցում՝ հավելելով, որ Ռուսաստանը կրկնապատկել է մարտական հզորությունն արևմտյան սահմանին։

Գերմանական հետախուզության ղեկավարն ակնկալում է ՌԴ-ի միջամտություն Գերմանիայի ընտրություններին։

«Մենք պետք է սպասենք, որ դա կարող է տեղի ունենալ», - ասել է նա:

Նա նշել է, որ կան հիմքեր ենթադրելու, որ Բունդեստագի սերվերի վրա հարձակումները կատարվել են ռուսական ազդեցության ներքո։