Ավստրիայում ահաբեկչության կասկածանքով 8 մարդ է ձերբակալվել

Ավստրիայում իրականացվող մի շարք հակաահաբեկչական արշավների արդյունքում հունվարի 26-ին 8 մարդու են ձերբակալել:

Ինչպես տեղեկացնում է DW.com-ը, Գրաց քաղաքի դատախազությունից հայտնել են, որ իրականացված արշավին ավելի քան 800 ոստիկան է մասնակցել: Ինչպես Գրացում, այնպես էլ Վիեննայում հետախուզումներ են իրականացվել տասնյակ բնակարաններում:

Ավստրիայի իշխանությունների հաղորդմամբ` ոստիկանական արշավն իրականացվել է «Իսլամական պետություն» ահաբեկչական խմբավորման գործունեությանը մասնակցելու կասկածանքի մասին գործով հետաքննության շրջանակներում:

 Ավստրիայի ՆԳ նախարար Վոլֆգանգ Սոբոտկան ընդգծել է, որ այսօր իրականացված միջոցառումների և Վիեննայում հունվարի 20-ին 18-ամյա ավստրիացու ձերբակալության միջև անմիջական կապ չկա: Իշխանությունների խոսքով` ոստիկանական արշավը վաղուց էր ծրագրված: