ԱՄՆ-ում 110 տարեկանում կյանքից հեռացել է Հայոց ցեղասպանությունից մազապուրզ եղած հայերից ևս մեկը

Լոս Անջելեսում 110 տարեկանում կյանքից հեռացել է Հայոց ցեղասպանությունից մազապուրզ եղած հայերից ևս մեկը`Ալեքսան Մարգարյանը:

Ինչպես հիշեցնում է Horizon Weekly-ն, 2014-ին վերջինս Ցեղասպանության մասին իր հուշերի մասին խոսել էր Կինոյի հայկական հիմնադրամին տված հարցազրույցում: Եվս մեկ հարցազրույց 2016-ի աշնանը նա տվել էր Լոյոլայի Իրավաբանական դպրոցի հայ ուսանողների միավորմանը:

Ալեքսան Մարգարյանը մահացել է հունվարի 15-ին, իսկ հուղարկավորությունը տեղի է ունեցել հունվարի 24-ին:

Նա ծնվել է Կեսարիայում (ներկայում` Կայսերի) 1906-ին: Մարգարյանի ընտանիքի ողջ մնացած անդամները` մայրն ու տատիկը, 1920-ականերին տեղափոխվել են Բեյրութ: Ալեքսանը արհեստավարժ վարպետ է եղել և տարատեսակ իրեր է պատրաստել:

1980-ականներին ուստա Ալեքսանը տեղափոխվել է Լոս Անջելոս, որտեղ էլ ապրել է կյանքի մնացած տարիները: