ՀՖՖ-ն հաստատեց. Հայաստան-Ուզբեկստան հանդիպումը չի կայանա

Արդեն հայտնել էինք, որ Ուզբեսկատնի ֆուտբոլի ֆեդերացիան հայտարարել էր, որ Թուրքիայում նախատեսված հանդիպումը Հայաստանի և Ուզբեկստանի հավաքականների միջև չի կայանալու: Րոպեներ անց այս մասին հայտնեց նաև ՀՖՖ պաշտոնական կայքը:

«Ինչպես արդեն տեղեկացրել էինք, Հայաստանի ֆուտբոլի ֆեդերացիան պայմանավորվածություն էր ձեռք բերել Ուզբեկստանի ֆուտբոլի ֆեդերացիայի հետ երկու երկրների ազգային հավաքականների միջև ընկերական հանդիպման անցկացման վերաբերյալ: Հանդիպումը նախատեսված էր անցկացնել ս.թ. փետրվարի 12-ին Թուրքիայի Անթալիա քաղաքում:

Հաշվի առնելով այն հանգամանքը, որ վերջին շրջանում Թուրքիայի տարածքում հաճախակի բնույթ են կրում ահաբեկչական ակտերը, անվտանգության նկատառումներից ելնելով, Հայաստանի ֆուտբոլի ֆեդերացիան որոշում է կայացրել հրաժարվել Ուզբեկստանի հավաքականի հետ ընկերական հանդիպումից»,-ասված է հաղորդագրության մեջ: