Բրյուսելում ձերբակալվել են ահաբեկչության մասնակցության մեջ կասկածվողներ

Բելգիայի ոստիկանությունը երկու մարդու է ձերբակալել՝ տղամարդու եւ կնոջ, որոնք կասկածվում են ահաբեկիչ Խալիդ էլ-Բաքրաուիի համար կեղծ փաստաթղթեր պատրաստելու մեջ: Նրանցից տղամարդը կալանավորվել է, իսկ կինը ազատ է արձակվել «խիստ պայմաններով»: Այս մասին հայտնում է DW-ն: 

Փարիզում ահաբեկչություններից հետո ավելի քան 2 տարի անց Բելգիայի արդարադատության մարմինները քննում են եւս երկու կասկածյալների գործը: Նրանցից Ֆարիդ Կ.-ն կալանավորվել է ահաբեկչական կազմակերպությանը անդամակցելու հետ կապված: Նրան նաեւ մեղադրում են կեղծ փաստաթղթեր պատրաստելու եւ օգտագործելու մեջ:

Քննիչների ենթադրությամբ՝ երկու կասկածյալները կեղծ փաստաթղթեր են պատրաստել Խալիդ էլ-Բաքրաուիի համար, որը 2016-ի մարտի 22-ին իրագործել է Բրյուսելի ահաբեկչությունը: Փարիզում 2015-ի նոյեմբերին ահաբեկչությունների շարքն իրականացրել է նույն ահաբեկչական խմբավորումը, որը կազմակերպել էր Բելգիայի մայրաքաղաքում մետրոյի եւ օդանվակայանի վրա հարձակումները: