Արարատի բնակչուհին, ինտիմ լուսանկարները տարածելու սպառնալիքի հետ կապված, սուտ հաղորդում է տվել

Արարատի մարզի բնակչուհին մեղադրվում է սուտ մատնություն կատարելու մեջ: Yerkir.am-ը դատական տեղեկատվական համակարգից տեղեկացավ, որ կինը, գիտակցելով, որ իր տրամադրած տեղեկությունը կեղծ է, կատարել է հանցագործության մասին սուտ մատնություն: Մասնավորապես` հաղորդում է տվել ոստիկանության բաժին այն մասին, թե իբր Երևան քաղաքի մի բնակիչ իրեն վերաբերող ինտիմ լուսանկարները հրապարակելու սպառնալիքով իրենից պահանջել և ստացել է ոսկյա զարդեր:

Նախաքննությամբ պարզվել է, որ կնոջ ասածները չեն համապատսխանութմ իրականությանը: Նրան մեղադրանք է առաջադրվել ՀՀ ՔՕ 333-րդ հոդվածի 1-ին մասի հատկանիշներով և խափանման միջոց է ընտրվել չհեռանալու մասին ստորագրությունը: Հիշյալ գործն արդեն ուղարկվել է դատարան: