Ի՞նչ են քննարկելու սոցցանցային ակտիվ օգտատերերը վարչապետի հետ

Այսօր վարչապետ Կարեն Կարապետյանը կհանդիպի  համացանցում ակտիվ բլոգերների և օգտատերերի հետ:

Բլոգեր Իզաբելլա Աբգարյանը, ով նույնպես հրավիրվածներից է, Yerkri.am-ի հետ զրույցում նշեց, որ ինքը միայն գիտի, որ հրավիրված է, թե ո՞վ է որոշել, և էլ ովքե՞ր են հանդիպմանը ներկա լինելու, տեղյակ չէ:

Իզաբելլան նաև նշեց, որ փաստաթղթային կամ պաշտոնական հրավեր չի եղել: «Տեղեկացել եմ, որ հրավիրված եմ և, եթե ցանկանում եմ, կարող եմ մասնակցել: Թե ինչի՞ մասին ենք զրուցելու, անհայտ է: Բայց եթե սոցիալական մեդիաների ակտիվ օգտատերերին են հրավիրում, նշանակում է, որ երևի թե կառավարությունը ցանկություն ունի նաև այդ ոլորտի միջոցով իր կապը հաստատել: Հուսանք, որ այդպես է»,- ասաց նա: