Ֆեդերացիան տանք Խորեն Հովհաննիսյանին, թող այն խաղադրույքների կետի վերածի. Ռուբեն Հայրապետյան

ՀՖՖ նախագահ Ռուբեն Հայրապետյանն այսօր լրագրողների հետ զրույցում խոսեց  հայկական ակումբային ֆուտբոլի ներկայիս վիճակի, ինչպես նաև ֆեդերացիայի նախագահի պաշտոնում իրեն փոխարինելու մասին:

«Ես առաջնությունը վատ վիճակից հանելու ելք չեմ տեսնում: Ֆինանսներ են պետք դրա համար։ Մարդիկ պետք է լինեն, ովքեր ֆինանսներ ներդնեն ֆուտբոլի համար։ Ես ամեն ինչ դրել եմ ֆուտբոլում, նույնիսկ՝ առողջությունս։ Ես կառչած չեմ այս պաշտոնից, բայց  մտածում եմ հայկական ֆուտբոլի մասին: Կայքերը գրում են այն մասին, որ այս կամ այն մարդը կարող է փոխարինել ինձ` Արման Սահակյանը կամ Չելոյանցը։ Խոսվում է Խորեն Հովհաննիսյանի մասին: Եկեք  ֆեդերացիան տանք  Խորեն Հովհաննիսյանին, թող դրա  մի մասը վերածի խաղադրույքների կետի»,- ասաց նա: