Սպանության փորձ՝ Երևանում. կասկածյալը «Վան» հեռուստաստուդիայի տնօրենն է

Երեկ սպանության փորձ է տեղի ունեցել Երևանի Մալաթիա-Սեբաստիա վարչական շրջանում:

Ժամը 23։30-ի սահմաններում «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ «ձախից կրծքավանդակի և աջից՝ ազդրի կտրած-ծակած վերք» ախտորոշմամբ ծայրահեղ ծանր վիճակում իրենց մոտ է տեղափոխվել 22-ամյա Լ. Սահակյանը:

Yerkir.am-ին ՀՀ քննչական կոմիտեից հայտնեցին, որ դեպքի առթիվ հարուցվել է քրեական գործ` ՀՀ ՔՕ 34- 104-րդ՝ սպանության փորձի հատկանիշներով: Նախնական տեղեկություններով՝ դեպքը տեղի է ունեցել Թերլեմեզյան 3 հասցեում: Այս հասցեում է տեղակայված «Վան» հեռուստաստուդիան:

Shamshyan.com-ի տեղեկություններով՝ երիտասարդին դանակահարելու մեջ կասկածվում է «Վան» հեռուստաստուդիայի տնօրեն Վահան Ղազարյանը:

Yerkir.am-ի  տեղեկություններով` դեպքին ականատես կալ, ով արդեն իրավապահներին պատմել է կատարվածի մասին: