Ինչ է սպասվում Անկախության օրը

Հայաստանի անկախության 25-ամյակին նվիրված միջոցառումները կտևեն մինչև տարեվերջ:  Այսօր ՀՀ մշակույթի փոխնախարար Արթուր Պողոսյանը լրագրողներին հայտնեց, որ Երևանում և մարզերում նախատեսված է իրականացնել ավելի քան 40 ծրագիր:

Ըստ նրա` իրենք երկար են մտածել, թե ինչպես պետք է տոնվի Անկախության օրը և ինչպես ներկայացնել անկախության շրջանի մշակութային ձեռքբերումները հենց մշակույթի միջոցով:

«Մենք հասկացանք, որ անկախության տարիների մշակութային ձեռքբերումները ամենալավը կարող է ներկայացնել անկախության սերունդը` դասական համերգի միջոցով:  Հենց այս իսկ նպատակով էլ Հայաստանի բոլոր մարզերից հավաքագրվել են 7-20  տարեկան 700 երեխաներ և երիտասարդներ, որոնցից էլ կազմվել ենք «Անկախության սերունդ» համահայկական երգչախումբն ու նվագախումբը: Համերգի ընթացքում կհնչեն բացառապես հայ կոմպոզիտորների ստեղծագործություններ, որոնք նվիրված են անկախությանը»,- ասաց փոխնախարարը: